قصة حقيقية حدثت في سوريا
ياشباب وصبايا الموضوع بدو وعي واخد الموضوع على محمل الجد في عندي صديق شعر بارتفاع الحرارة قام راح لعند دكتور داخلية عطاه الدكتور ادوية وقلو خدها وقعود البيت ....الحرارة ما كانت تنزل قام راح لعند الدكتور مرة تانية على العيادة والدكتور ركبلو سيروم وعطاه سيتامول وريدي وقلو بترتاح بعد هالشي , و الشب ما ارتاح وضلت حرارتو مرتفعة حتى كانت تصل ل39.5 ... الشب بيحمل حمالو و بينزل بتكسي على مشفى الأسد الجامعي بيضل من 8 المسا لل12 وهو من جهة لجهة ومن قسم لقسم وتحليل وصور اشعة وووو بيطلع بالتحليل الاكسجة عندو نظامية بيقولوا ارجع عالبيت ما فينا نستقبلك انت معك اشتباه كورونا بالجهاز الهضمي وهون ما عنا اسرة روح هي الوصفة جيبها وخود هالدوا واحجر حالك بالبيت ... الزلمي ما كذب خبر رجع على البيت بتكسي وضل 7أيام وحرارتو ما عم تنزل .... بنقرر نعمل بتعليمات وارشادات وزارة الصحة والاشياء الي بتحطها على النت وعلى التلفزيون بنقرر نتصل متل الناس المتحضرة على 195 على امل الشباب دغري يجو ويقيمو الحالة ولكن دون فائدة بتمعلق وبتصل بصديق الي بالوزارة بيقلي موضوعكم بسيط دقو على 195 الموضوع سهل ونحنا مو حلوة نتدخل بهيك مواضيع بسيطة وروتينية ...مية اتصال على منظومة الإسعاف وعلى الأرقام الي حددتها الوزارة منشان الكورونا ومن دون فائدة بالاخر منظومة الإسعاف بتتكرم علينا وبتبعت سيارة صحية لنقل الشب فيها سائق ومرافق لا عاينو المريض ولا شي بس قالولو انزول اركب من ورا .... بنقرر ناخدو على مشفى المواساة لان الأسد الجامعي مجربينو قبل بكام يوم .. فعلا بنوصل على مشفى المواساة وبينزل المريض هون جماعة منظومة الإسعاف بيختفو هنن والسيارة ....بنفوت على قسم الإسعاف هون بتكون الطامة الكبرى ما حا لحا يا شباب معنا مريض اشتباه كورونا قال أي شو بنعملو شوف القسم ملينا ....وهون كمان الصدمة اكبر بتكون ... ع أساس في قسم عزل وهو عبارة عن قسم مفتوح من الإسعاف اول المدخل على اليمين والناس على الاسرة والكراسي وما في مكان الواحد يحط اجرو فيه والناس داخلة ببعضها ....بنقلن ياعمي هاد رح يسلت من بين أيدينا , قال خليه يقعد جوا حد هالمريض والله وكيلكم المريض الي رح يقعد جنبو اذا ما كان معو شي رح ينعدي على الأكيد ... الأطباء الي بالقسم كل شوي بيقولو مين مع فلان بيعطوه ورقة تحليل مع عينة الدم وبيقولولو خود هدول للمخبر وهون كمان ماحدا داير بالو المرافق بدون كفوف مع كفوف مافي مشكلة المهم خود ورقة التحليل مع عينة الدم واطلاع على المخبر .... وبرجع من المخبر مع التحليل بنقلن هي تحليل فلن قال مين فلان ولك ياعمي المريض الاشتباه كورونا قال أي أي هو هون جنبنا بقسم الإسعاف ناطرين جهاز اوكسجين ليفضى ونحطو عليه ....بروح لعندو بلاقيه واقف رح يوقع من التعب والارهاق وما حدا جنبو ... بصير دور على حدا يرد علينا بشوف طبيب بقلو ياحكيم هاد وضعو هيك هيك بيقلي اسحب تخت من أي غرفة وجيبو نقعدو عليه ...وبالفعل بيتم الامر وبسحب تخت وبنحط صديقي عليه وبيركبولو الاوكسجين وكلشي تمام لهلا ل وانا متفائل ان كل التعب والي شفتو من بلاوي رح ينتهي واطمن على رفيقي انو صار بين ايدين ملائكة الرحمة والجيش الأبيض ....و باثناء تركيب الاوكسجين بسال الطبيب وهلا بعد هالمرحلة شو الخطوة التانية بيقلي ما عاد في خطوة تانية لان يمكن مريضك يضل هون يوم يومين أسبوع أسبوعين علمها عند الله لكون فضي سرير فوق بالقسم ... أي حكيم والحل طبعا هاد كان جوابي والي بيعرفني بيعرف كيف بيكون .... بيرد وبيقلي الأفضل تاخدو وتعطيه ادويتو بالبيت لان هون مارح نعطيه شي زيادة عن الي رح ياخدو بالببيت ... طيب حكيم أي ادوية رح ياخد .. بيقلي جيب جوالك وتعال صور هالوصفتين .. بمشي معاه لجنب قسم المكان الي بيتجمعو فيه الأطباء بلاقي وصفتين على الحيط بيقلي ور هي وهي واحتمال بعض الأنواع ما تلاقيها مو مهمة ( الوصفتين حقن 65 الف ) ... برجع لعند رفيقي بيقوم بيقلي صديقي يلا نرجع على البيت و بيقوم عن التخت وبنفك جهاز الاوكسجين عن وجهو .... وهون الفاجعة بتكون لان لسا ما بنمشي خطوتين غير بيجيبو مريضة هبوط سكر ...كنت شايفها لما دخلت على الإسعاف وانا ناطر التحليل ليطلع ...وبيرموها على التخت نفسو الي كان عليه الشب المصاب بالكورونا بدون تعقيم للتخت او حتى يشيلو الشرشف الي عليه والأحلى من هاد كلو بيحطولها نفس جهاز الاوكسجين الي كانوا محطوط على وجه الشب المراض بالكورونا
القصة حدثت معي البارحة تاريخ 21/7/2020
خليك واعي لان وقت توقع رح تاكل هواااا
- مرفق صورة عن الوصفتين ليلي بيشعر باعراض الكورونا
_ تعديل على المعلومات اليوم فجر 23/7/2020 الشب عطاكم عمره... الرحمة لروحه
تعليقات
إرسال تعليق