الغرض من النشر ينعرف شو عم يصير بهل بلد وكيف نفوس العالم المريضة ممكن تعمل أوسخ شي بالعالم كرمال ما تتأثر بشي. مئات المسجات واصلتني عالصفحة بقصة هالصبية.
هل #سبب وفاتها #جريمة قتل؟
#روان بتشتغل بمشفى الأسد الجامعي، وعندا دوام إضافي #بمشفى_المهايني
هي #ممرضة #تخدير يعني كل شغلتا بالعملية ١٠ دقايق أو ربع ساعة.
قبل ما تتدخل عالعملية اتصلت بأمها وقالتلا دعيلي واطمني عليي..
عادي متل أي بنت بتطلب من أمها الدعاء والرضا.
واتصلت برفقاتها بسكن الممرضات وقالتلن لا تتعشوا رح جيب معي عشاء ومنتعشى سوا وسكرت.
دخلت عالعمليات شافت شي الله ما بيرضاه، وكرمال يسكتوها قتلوها عن طريق إبرتين بالوريد
ونوع هالإبر ما لازم يتاخد غير بالعضل.
طوّلت كتير واستفقدوها أمها ورفقاتا
اتصلوا بمشفى المهايني وقالولن تعالوا شوفوا بنتكن شبها!
راحوا.. طلع موقف قلبا لمدة ٤٥ دقيقة
عملولا إنعاش بالمشفى بآلات مجرثمة وزاد الطين بلة وصار معها نزيف داخلي.
رفقاتها دخلو& بالموضوع وصاروا يستفسروا
وعلى حسب ادعائاتهن إنو تعبت وطلبت تاخد هالإبر
وحكي متناقض..
ورفقاتا بيعرفوها إنو إذا وجعها راسا ما بتاخد سيتامول، يعني ما بتحب الأدوية.
نقلوها رفاتها على #مشفى_الأسد_الجامعي
ووقت فحصوها لقوا علام الإبرتين ولقوا خرمشة وعلام أظافر، صوروها طبقي محوري وصاير معها شلل نصفي!
يعني حاسبينها ولاد الحرام. إنو إذا الله كتبلا عمر وعاشت رح تعيش معاقة وما بتقدر تحكي، وإذا ماتت لصالحن.
ولهلأ مانعين أهلها يشوفوا كاميرات المراقبة وعم يتكتموا عالموضوع وصاروا يدعوا إنو توفت أثر #نوبة_قلبية ومن #الكورونا والضغوطات يلي عم تواجها.
وهي ما فيها شي بس ما بدهن يظهر الحق.
الله ينتقم منهم
الله يرحمها ويصبر أهلها. 💔
من صفحة #محمود_الحمش.
#حق_روان_سحتوت_مارح_ينتسى
تعليقات
إرسال تعليق